يا الله يا بنات ياحلوين جبت لكم أحلى الطرق
1- اذا تبين ترفعين ضغط اخوك لاعصب عليك وبدا يهاوش ناظريه ببلادة وبرود واضحكي
2- اذا تبين ترفعين ضغط اخوك اذا كلفتك الوالدة تقومينه من النوم وهذي اصعب مهمة اللي ماعنده وقت
ارشقي عليه ماء من بعيد تحرزا من الركلات الجانبية المحتملة من اخوك أو جري الوسادة اللي متشعمط به ************ وزياده من عندي اذا كان نومه ثقيل مثل الي عندي امعطي كشته
و عندي حركة جهنمية هذي للي رايقة جيبي جوالك وخبيه ورا ظهرك ودقي على جواله بعدين روحي خذي جواله
( طبعا كأن المتصل واحد من خوياه ) سوي نفسك رديتي وبدلع قولي آآآآلوووو... بهاللحظة بتشتعل الغيرة عند اخوك وبينقز علطول ويسحب الجوال ويقول للمتصل الو
( طبعا مافيه احد على الخط) بعدها اضحكي ههه وقولي له واحد صفر تعيش وتاكل غيره
3- اذا تبين ترفعين ضغط اخوك لاجاء يسولف عليك ومتحمس لاخلص قولي له طيب والمطلوب !
4- اذا تبين ترفعين ضغط اخوك ابدي بسالفة تعرفين انه مهمة بالنسبة له وتشد انتباهه اقطعي السالفة بشئ تافه
5- اذا تبين ترفعين ضغط اخوك اذا رحتي للسوق وقالك الساعة كذا بجي اخذك عشان يقلك وين هو فيه؟
واذا قرب الوقت اللي يبي يدق عليك به قفلي الجوال وبعد نص ساعة من الموعد المتفق عليه
يكون هو وصل حده شغلي جوالك ودقي عليه قولي الصراحة خلصت البطارية وتوي شحنته عند محل حق جوالات
6- اذا تبين ترفعين ضغط اخوك لابد ان يسولف على ابوك كل شوي اقطعي السالفة قولي بابا شفت فلان قال كذا
ودريت انه صار كذا ووو لين يطفش هع هع هع ************ لزوم الشطانة
7- اذا تبين ترفعين ضغط اخوك اذا كنتي مجتمعة مع بنات عمك او بنات خوالك الموهيييم قريباتك
اذا جاء بدري وقالك اطلعي يالله مواعد خوياي وموب راجع الا متاخر ************ ياشينك انت وخوياك ماتقضي سالفتكم
انتي هنا بتنقهرين ومابعد تهنيتي وماتقدرين تقولين لا نادي وحده من البنات وعطيها جوالك
وقولي لها خذي دقي عليه وقولي له خلها تقعد تو الناس الله يجزاك خير
وخليه تنفش ريشه شوي لانه ساعتها بينحرج من البنت ومايقدر يقول شئ ويقعد يتميلح يقولها طيب خلاص تم بس متى ما قضيتوا خليها تدق علي اجي اخذهاا باي وقت انا ماعندي شئ ؟؟؟
**************** الله موب قبل شوي تقول مواعد خوياي ومنب جاي الا متأخر أأأأخ منكم بس
8- اذا تبين ترفعين ضغط اخوك اذا جاء بياخذك من المدرسة او الكلية وتحسين انه مغصوب على الجيه ونفسه براس خشمه
اطلعي وجيبي ثلاث من صديقاتك قولي الله يعافيك وصلهم لبيوتهم ههه
9- اذا تبين ترفعين ضغط اخوك اذا كان نايم شغلي المكنسة واقعدي نظفي غرفته
10- اذا تبين ترفعين ضغط اخوك اذا شفتي انه معزوم ومستعجل ودخل يتروش خوذي مفاتيح سيارته وخبيهم
واذا طلع ولبس وتضبط وطلع طبعا يدور مفاتيح سيارته وانتي سوي نفسك قمة البراءة
ماتدرين عن شئ واذا انك من النوع اللي وجهك يفضحك او ماتمسكين نفسك من الضحك
روحي سوي نفسك مشغولة باي شئ تهربا من الموقف طبعا هو بيدق على واحد من خوياه
بيقوله تعال مرني ضاعت مفاتيح سيارتي انتي هنا روحي رجعي المفاتيح وحطيهم بمكان واضح
بحيث يقدر انه يشوفه او احد من اهلك يشوفه ويعطيه اياه وانتي لامن شاف ولا من درى
ههههههه ترى عاد امزح مهوب هالحين تصدقون ياحلوات وتبدون بعلوم الشطانة
وترى اللي تبي تغامر بعمرهااا وتسوي هالحركات مالي شغل وش يجيها من اخوهااا
اقل شئ بيسويه بينتفك هذا اذا كان رحوم اما اذا عصبي بيرتكب فيك جريمة شنعاء ههههههههه
لاتقولين كله منك
تحياتي
البوابة 
